Այսօր կայացավ մեր երկար սպասված մասնագիտական փորձառությունը Երևանի Բրյուսովի անվան լեզվաբանական համալսարանում: Անգլերենի խորացված ուսուցման սովորողների մեր խմբի համար հետաքրքիր էր մտնել այն ուսումնական հաստատությունը, որտեղ մեզանից շատերը շարունակելու են իրենց ուսումը ավագ դպրոցն ավարտելուց հետո: Մեզ սիրով ընդունեցին մանկավարժության և օտար լեզուների դասավանդման մեթոդիկայի ամբիոնում: Դա այն ամբիոնն է, որն ամեն տարի ուսանողներին մեր կրթահամալիր է ուղարկում մանկավարժական պրակտիկայի համար: Ամբիոնի վարիչ Մելանյա Աստվածատրյանը մեր խումբը բաժանեց երեք մասի և մենք 4-5 հոգանոց խմբերով ներկա գտնվեցինք տարբեր դասասենյակներում ընթացող դասերին: Վերջում մեզ ուղեկցեցին երեք հարկանի նորաբաց գրադարանը, որն այժմ դարձել է համալսարանի հպարտությունը: Հետաքրքիր էր նաև գրադարանի երրորդ հարկում գտնվող Վալերի Բրյուսովի թանգարանը:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
