Էներգախնայողությունը`ապրելակերպ է, որը կարող է նպաստել մեր միջավայրի բնապահպանական խնդիրների լուծմանը: Սա այն հիմնախնդիրներից է, որի մասին խոսվեց այսօրվա «Ուրբաթ» ակումբում կայացած մամուլի ասուլիսում:
Երբ սեղանի շուրջը հավաքվեցին լրագրողներն ու տարբեր հեռուստատեսությունների ներկայացուցիչները, Հրանտ Սարգսյանը` «Տապան» էկո-ակումբի ղեկավարը սկսեց խոսել «Էներգախնայողությունը Հայաստանում» հիմնախնդրի, դրա հնարավոր լուծումների և Էներգախնայողության միջազգային օրվան նվիրված փառատոնի մասին:
Փառատոնը կազմակերպել է Spare-ԷՌՕԴԾ միջազգային կրթական նախագիծը, որն ի դեպ 5-րդ տարին է ինչ նշվում է աշխարհի 20 երկրներում:
Փառատոնի նպատակն էր բարձրացնել էներգախնայողության հարցեր, սպառվող էներգետիկ ռեսուրսները փոխարինել այլընտրանքային ձևերով:
«Հասարակությունը պետք է վատնող և սպառողից վերափոխվի խնայողի, պետք է խնայի ռեսուրսները, մտածի իր հետագայի մասին»,-ասում էր Հրանտ Սարգսյանը: Այս հիմնախնդիրը կլուծվի էկո-դաստիարակությամբ: Այժմ Հայաստանի շատ դպրոցներում ուսուցանվում է «Էներգիայի և ռեսուրսների օգտագործում» դասը: Սովորողները դասն անցնում են որպես լրացուցիչ առարկա: Կա համապատասխան դասագիրք և մեթոդական ձեռնարկ:
Ասուլիսի ընթացքում այժմյան Հայաստանյան հետազոտություններին և վիճակագրությանը ծանոթացրեց Էներգետիկայի նախարարության զարգացման վարչության պետ Լևոն Վարդանյանը: Նրա դիտարկումները ցույց էին տվել, թե ինչ մեծ պոտենցիալ ունենք էներգախնայողության գործում, սակայն նա ցավով նշեց, որ ֆինանսական ներդրումները շատ քիչ են և մեծ արդյունքների սպասելը դեռ վաղ է:
«Էներգետիկայի ոլորտը դժվար է կառավարել Հայաստանում, քանի որ այն դեռևս չի գնահատել, թե որտեղ, ինչքան և ինչ տիպի էներգիա է ծախսվում»,- նշեց Լևոն Վարդանյանը:
Ասուլիսի վերջում լրագրողներից ոմանք որոշեցին հարցուփորձ անել մեզանից և հասկանալ, թե ինչպիսի էկո-դաստիարակություն ենք ստանում մեր կրթահամալիրում: Հաճույքով կիսվեցինք նրանց հետ գաղափարներով:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
