Անհանգիստ գիշեր, որին հաջորդելու էր ցանկալի ճամփորդությունը: Երազանք. մի քանի օր անցկացնել ինչպես զինվոր. զինվորական վրաններ, սպասք, դաշտային խոհանոց, կարգապահություն:
Շարժվեցինք սուրբ Երրորդություն եկեզեցու բակից: Ճանապարհն անցավ հետաքրքիր, ծանոթացանք ու մտերմացանք: Սևանում կանգնեցինք մի փոքր հանգսատանալու և զվարճանալու: Լողացինք, գնդակ խաղացինք և շարունակեցինք ճանապարհը:
Կուրթանում մեզ դիմավորեց տիար Գևորգը: Ծանոթացանք և սկսեցինք տեղավորվել վրաններում: Մի փոքր ուշ մեզ էր սպասում ընթրիքը, այնուհետև ընկեր Լևոնը բազմաթիվ աստղերի հետ միասին: Հագեցած ու հոգնած օրն ավարտեցինք աստղերով ու գնացինք քնելու: Առջևում սպասվում էին նոր բացահայտումներով լի վեց օր տիկին Անահիտի, ընկեր Տաթևի և ընկեր Հասմիկի հետ:
Օրերն անցան հագեցած, լի անմոռանալի հիշողություններով և նոր, բայց արդեն շատ հարազատ մարդկանց ու ընկերների ընկերակցությամբ:
Այնքան բան կա պատմելու, որ չգիտես ինչից սկսես և ինչով վերջացնես, վախենալով բաց չթողնել և ոչ մի վայրկյան ու դրվագ…
Սուսաննա Պետրոսյան
