Ուսումնական կենտրոններ

Կրթահամալիրը իր կանոնադրական խնդիրները իրականացնելու նպատակով ստեղծում է ուսումնական կենտրոններ: Ուսումնական կենտրոնը համապատասխան բնագավառը սպասարկող ամբիոնն է: Ուսումնական կենտրոնի ղեկավարին կրթահամալիրի տօրենի ներկայացմամբ հաստատում է կրթահամալիրի խորհուրդը: Ուսումնական կենտրոնի ղեկավարի ներկայացմամբ կրթահամալիրի տնօրենը ուսումնական կենտրոնին ժամանակավոր օգտագործման համար տրամադրում է տարածք, գույք և աշխատողներ:  Ուսումնական կենտրոնը պատասխանատու է իրեն կցված տարածքի, գույքի պահպանման, բարելավման և ըստ նշանակության օգտագործման համար:
Ուսումնական կենտրոնը.

• ապահովում է կրթահամալիրի դպրոցների, քոլեջի և սովորողների ուսումնական պլաններով որոշված առարկաների և դասընթացների որոշակի խմբի սպասարկումը
• կազմակերպում է կրթահամալիրում իրականացվող հեղինակային ուսումնական ծրագրերի մշակումը, դրանց մեդիագրադարանի ստեղծումը
• իրականացնում է դպրոցականների և մեծահասակների լրացուցիչ կրթական ծրագրեր
• ձևավորում է կրթահամալիրում դասավանդողների մասնագիտական խումբ (խմբեր)
• մասնագիտական խորհրդատվություն է իրականացնում կրթահամալիրի դասավանդողներին
• կազմակերպում է սեմինարներ դասավանդողների, սովորողների և այլոց համար
• կազմակերպում է ակումբային գործունեություն
• սովորողների համար կազմակերպում է ուսումնա-արտադրական գործունեություն
• կազմակերպում է սովորողների մասնագիտական փորձառություն
• կարզմակերպում և իրականացնում է ուսումնական նախագծեր, պլեներներ, համերգներ, ցուցահանդեսներ, ստուգատեսներ
• մատուցում է կրթական այլ ծառայություններ:

Ուսումնական կենտրոնները

• Երաժշտության, պարի
• Կերպարվեստի և տեխնոլոգիայի
• Մարզական 
• Շախմատի 
• Ուսումնական ագարակ
• Մեդիագրադարան
• Մանկավարժության
• Արատեսի դպրական կենտրոն
• Խաղողի և գինու
• Վիգեն Ավետիսի քանդակի դպրոց

Ուսումնական կենտրոնի ղեկավարի պաշտոնի նկարագրություն