ՊԱՂՊԱՂԱԿԻՑ ԴՂՅԱԿ
Ժամանակին, Բոլոնիայի ամենագլխավոր հրապարակում կառուցել էին մի դղյակ, որը պաղպաղակից էր: Քաղաքի բոլոր ծայրերից երեխաները փախչում-գալիս էին այստեղ, որպեսզի մի փոք րքաղցրավենիք համտեսեին: Դղյակի տանիքը կաթնային սերուցքից էր, ծխնելույզներից բարձրացող ծուխը` ձևավոր շաքարից, իս կծխնելույզները` շաքարամրգից: Մնացած ամեն ինչը պաղպաղակից էր` դռները, պատերն ու կահուքը: Մի փոքրիկ տղա բռնեց սեղանի ոտքը և սկսեց լիզել այն: Հետո նա կերավ երկրորդ ոտքը, երրորդը, իսկ երբ վերջացրեց ուտել չորրորդ ոտքը, սեղանը` իր ափսեներով, որոնք, ի դեպ, ամենալավ շոկոլադե պաղպաղակից էին, ընկավ ուղիղ նրա վրա… Հանկարծ քաղաքի պահակը նկատեց, որ դղյակի մի պատուհանը հալչում է: Նրա ապակիները, որոնք ելակի պաղպաղակից էին, վարդագույն առվակի նման հոսում էին ցած:
- Եկե'ք այստե~ղ, արագ եկե'ք այստե~ղ,- կանչեց պահակը երեխաներին:
Բոլորը վազելով եկան և սկսեցին լիզել վարդագույն առվակը, որպեսզի ոչ մի կաթիլ այս հրաշք առվակից չկորչի: Հանկարծ մի ծեր կին, ով նույպես հրապարակ էր եկել, սակայն չէր կարողացել խցկվել ամբոխի մեջ, խնդրելով ասաց, - բազկաթո~ռը, տվե~ք ինձ, բազկաթոռը: Տվե~ք բազկաթոռը խեղճ տատիկին: Օգնե'ք ինձ: Բազկաթո~ռը, և, եթե հնարավո~ր է, հենակներով…Մի շատ պատրաստակամ հրշեջ վազեց դղյակ և բերեց բազկաթոռ, որը կրեմ-բրյուլեից էր: Խեղճ տատիկը շատ ուրախացավ, և ամենասկզբից սկսեց լիզել բազկաթոռի թևերը: Այո’, սա մեծ օր էր Բոլոնիայում: Իսկական տոն էր: Բժիշկների հրամանով ոչ մեկի փորիկը չցավեց:
Եվ մինչև օրս էլ, երբ երեխաները խնդրում են գնել երկրորդ բաժին պաղպաղակը, նրանց ծնողները խոր հոգոց են հանում:
-Է’հ, փոքրիկ ընկեր, քեզ համար, երևի, պետք է գնենք պաղպաղակից մի ամբող ջդղյակ. այն որ Բոլոնիայում կար. միգուցե, այդ ժամանակ դու գոհանաս:
աղբյուրը` http://www.rodari.ru/dvorec.htm