Այսօր շատ սովորական օր էր շատերի համար, բայց ոչ Դպրոց-պարտեզի արդեն բոլորին հայտնի 3-3 դասարանի ծնողներիս համար, ինչու, որովհետև այսօր մեր հերթական արտասովոր ծնողական սեմինարն էր: Այդ սեմինարները մեզ համար շատ սպասված և ցանկալի են, որովհետև որքան էլ տարօրինակ հնչի, մենք մեր երեխաների նման կարոտում ենք իրար, սիրում ենք հանդիպել , նստել զրուցել: Դե զրույցը զրույց, բայց այսօր անելու գործ շատ կար:
Նախ մի լավ խոսեցինք երեխաների առաջադիմության և խնդիրների մասին: Քննարկեցինք բոլոր տարաձայնությունները , որովհետև չնայած ջերմ մթնոլորտին տարաձայնություններ միշտ լինում են: Քննարկեցինք նաև մեր դասարանի սպասվելիք ալտերնատիվ ներկայացումը, որը լինելու է արտասովոր հագուստներով, և ամենահետաքևրքիրն այն է, որ հագուստները կարել են մեր ծնողներից երկուսը: Այսօր մենք արդեն միահամուռ ուժերով պատրաստեցինք ներկայացման ստվարաթղթե գլխարկները և ներկեցինք:Աշխատանքը եռում էր:
Իսկ հիմա հասանք մեր սեմինարի ամենահետաքրքիր մասին, այսօր մենք նշեցինք մեր նոր հրաշալի դասարանի բացումը: Իհարկե իսկական բացումը երեխաները մի քանի օր առաջ էին նշել, բայց դե ինչ բացում առանց ծնողների, մենք ոչ մի նման առիթ բաց չենք թողնում: Դասարանը ինչ խոսք հրաշք է,նույնիսկ մենք դժվարությամբ դուրս եկանք դասարանից:
Ահա այսպես էլ անցնում են մեր արտասովոր և ամենակարևորը իրար չնմանվող ծնողական սեմինարները…
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
