Եթե առաջին հայացքից դատելու լինեմ, կասեմ, որ օլիմպիադան մեզ համար պարտադիր է ու չկատարելու դեպքում կկանգնենք փաստերի առաջ: Բայց եթե մասնակցել չցանկացողներ կան, ապա հաստատ նրանից է, որ առաջադրանքներին ծանոթ չեն:
Երբ արդեն հայտս ուղարկել էի, որտեղ գրել էի իմ ընտրած առարկաների անունները, ծանոթացա մի շարք առարկաների առաջադրանքների: Հայտ ուղարկելը ինձ ամենևին չխանգարեց, որ նոր առարկա ավելանար իմ նշած առարկաներին:
Իմ ընտրած առարկաները ինձ համար հետաքրքիր են: Որպես անգլերենի խորացված ուսուցման դասարանում սովորող աշակերտուհի, ինձ անգլերենի առաջադրանքը շատ է դուր եկել: Այն ինձ հնարավորություն է տվել զարգացնելու գրավոր անգլերենի հմտությունը, ստուգելու իմ սովորած անգլերեն լեզուն, առաջադրանքի միջոցով արտահայտելու իմ կարծիքը տարբեր թեմաների շուրջ, բայց ամենակարևորը` ուրիշների համար օգտակար աշխատանք անելու: Իսպաներենի առաջադրանքը կատարելով` իմացել եմ հետաքրքիր պատմություններ Իսպանիայի և իսպաներենի մասին: Հայոց լեզվի առաջադրանքը հետաքրքիր էր նրանով, որ քերականական ընդհանուր գիտելիքների օգնությամբ կարողացա ինձ բոլորովին անծանոթ օտար լեզվով նախադասություններ ստանալ:
Մի խոսքով` հաճույքով եմ աշխատում, և աշխատանքիս արդյունքը ինձ գոհացնում է:
Բոլոր օլիմպիականներին մաղթում եմ հաջողություն:
Ղարիբյան Սիրանուշ 11-2 դասարան
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
