Ուրբաթ օրը` ժամը 10-ին, Մարմարյա սրահում տեղի ունեցավ ճամբարի պաշտոնական փակումը: Կրթահամալիր էին ժամանել շատ սպասված հյուրեր` Փաշինյանների և Հացպանյանների ընտանիքները: Միջոցառմանը մասնակցում էին կրթահամալիրի բոլոր յոթ դպրոցների սաները: Մարմարյա սրահը ցնծում էր գույնզգույն փուչիկներից, ժապավեններից, սահող չմուշկներից, պարող ու երգող երեխաներից: Միջոցառման սկզբում հյուրերը հրավիրվեցին Մարմարյա սրահի կենտրոն և նրանց ծաղիկներ նվիրեցին: Այնուհետև հնչեց կրթահամալիրի հիմնը` Անդաստանը, որին էլ հաջորդեց Տերունական աղոթքը: Հետո աշխույժ երգեցին և ուրախ շուրջպար բռնեցին և նույնիսկ մարմնամարզությունը չմոռացան: Ցուցադրվեց կրթահամալիրին նվիրված մի տեսանյութ: Այն դիտելուց հետո օրվա հոբելյարներին շնորհավորեց տիար Բլեյանը և Գեղարվեստի դպրոցի դերասանների խումբը «Փուչիկներ» թատերական համարով ուրախացրեց բոլորիս:
Մի խոսքով, ամեն ինչ շատ տրամադրող և հիանալի էր, բայց ամեն ինչ դեռ առջևում է` լողավազան, հեծանվաշքերթ, պաղպաղակ, փուչիկներ...