ՀՐԱՄԱՆ
07.06.2016թ.
2016թ. հունիսի 13-ից կրթահամալիրի Նոր դպրոցում, Դպրոց-պարտեզում, Գեղարվեստի կրտսեր դպրոցում, Հիմնական դպրոցում և Մայր դպրոցում գործում են ամառային ուսումնական ճամբարներ (այսուհետ՝ Ճամբար): Ճամբարների աշխատանքը պատշաճ կազմակերպելու համար.
- հաստատել ճամբարային աշխատանքի և գործունեության կազմակերպման ուղղությունները:
- Ճամբարների պետեր նշանակել Նոր դպրոցում՝ Գայանե Սարգսյանին, Դպրոց-պարտեզում՝ Քրիստինե Հովսեփյանին, Գեղարվեստի դպրոցում՝ Կարինե Մամիկոնյանին, Հիմնական դպրոցում՝ Գայանե Գրիգորյանին, Միջին դպրոցում՝ Գոհար Եղոյանին:
- ճամբարները դիտել որպես սահմանված կարգով կազմակերպվող լրացուցիչ կրթական ծառայություն: Ճամբարի պետերին վերապահել լրացուցիչ կրթական ծառայության պայմանագիր կնքելը՝ որպես պայմանագրի կողմ, ճամբարի օրվա աշխատակարգը կազմելու և հաստատելու իրավունք:
- Ճամբարների ղեկավարները անձնական պատասխանատվություն են կրում ճամբարականների անվտանգության համար աշխատակարգով որոշված գործունեության ընթացքում:
- ճամբարականների սնունդը կազմակերպել յուրաքանչյուրին 500 դրամի չափով առողջագետ Քրիստինե Սահակյանցի կազմած ճաշացանկով:
- ճամբարականների սնունդը և ուսումնական ճամփորդությունները կազմակերպել ծնողների միջոցներով:
- ճամբարների պետերին՝ մինչև հունիսի 10-ը հրապարակել ճամբարի ռեժիմն ու ծրագիրը, սահմանված կարգով վարել ճամբարական սովորողների հաշվառումը:
- ընդունել ի գիտություն դպրոցների ղեկավարների հաստատած՝ ճամբարի պետերի աշխատակարգը, անհատական պլանը:
Կրթահամալիրի տնօրեն` Ա. Բլեյան
ճամբարային աշխատանքի ուղղություններ
Ընդհանուր պապապմունք-տողան, մարմնամարզություն, հեծանիվ, երաժշտություն, պար, լող, թվային միջոցների ուսուցում, կերպարվեստ, շախմատ, ուրախ օտար լեզու, ուսումնական նախագծեր, հայրենագիտական ճամփորդություն։
Ճամբարային ռեժիմին ներկայացվող պահանջներ
- Ճամբարային օրվա սկիզբը՝ ժամը 09:00, ավարտը՝ 16:00:
- Բաց լողավազաններում լողը կազմակերպել ժամը 10:00-12:00: Ճամբարականների համար պարտադիր է ամեն օր լողազգեստ, սրբիչ, լողաթափ, ջրային գլխարկ ունենալը: Լողավազան մտնելուց առաջ պարտադիր է ցնցուղ ընդունելը:
- Սննդի կազմակերպում՝ նախաճաշ, ճաշ: Ճաշացուցակը կազմվում է սահմանված կարգով՝ ընդգրկելով միրգ, ամառային աղցան, բնական հյութ:
- Ճամբարային գործունեության մյուս ձևերը կազմակերպել կրթահամալիրի ուսումնական կենտրոններում ու լաբորատորիաներում:
