Այսօր մեդիաուրբաթը վարում էին Գեղարվեստի ավագ դպրոցի դերասանական վարպետության խումբը՝ Քնարիկ Ներսիսյանի գլխավորությամբ: Մարմարյա սրահը շատ ակտիվ էր ու բազմամարդ: Գրեթե բոլոր դպրոցները պատրաստել էին գեղեցիկ ու հետաքրքիր համարներ, որոնք ընդմիջվում էին mskhբոնուսի մրցանակակիրների անունների հրապարակմամբ: Մեդիաուրբաթը բացվեց Ազգային օրհներգով, որից հետո զատկանապաստակների շատ յուրօրինակ պարով հանդես եկավ դպրոց-պարտեզը: Հետաքրքիր էին նաև Գեղարվեստի կրտսեր դպրոցի սովորողների ժամացույցի հանդերձանքի լուծումները, բայց նրանց ներկայացրած համարին մի քիչ ակտիվությունն էր պակասում: Մեծ բավականությամբ, կարծում եմ ոչ միայն ես, լսեցինք Միջին դպրոցի սովորողների և մի շարք դասավանդողների <<Վարդ>> երգի կատարումը, որն ուղեկցվում էր Մերի Առաքելյանի կենդանի նվագակցությամբ: Տպավորիչ էր նաև Էլեն Պողոսյանի ներկայացրած պարը, որն, իմիջիայլոց, նվիրվեց օրվա հոբելյարին՝ Դավիթ Կարապետյանին:
Մեդիաուրբաթին ներկայացվեցին կրթահամալիրին սպասվող երկու կարևոր և մեծ իրադարձությունների՝ Ժանգոտ դդումի և երաժշտական փառատոնի համառոտ նկարագրերը:
Այս շաբաթվա ուրբաթօրյա ցուցադրությունը, եթե անկեղծ լինեմ, ինձ շատ դուր եկավ, կարծում եմ մյուսներին ևս:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
