Աշակերտական և ուսանողական 16 տարիներից հետո, ավարտելով Երևանի Վ. Բրյուսովի անվան Պետական Լեզվաբանական Համալսարանը, նշանակվեցի պրակտիկայի Մխիթար Սեբաստացի Կրթահամալիր, որտեղ էլ պետք է գնահատվեր համալսարանում ձեռք բերած գիտելիքների գործնական կիրառման իմ հմտությունները: Երբ ես առաջին անգամ ոտք դրեցի կրթական համալիր, ակամայից հիշեցի իմ առաջին քայլերը իմ հարազատ դպրոցում: Բայց այս անգամ ես դպրոց էի մտնում ուսուցչի կարգավիճակով՝ պատասխանատվության և ինչու չէ նաև արժանապատվության վեհ զգացմունքներով: Բացելով դասարանի դուռը ներս պիտի մտնեի որպես հեղինակություն, որպես սկսնակ ուսուցչուհի, որին վստահվել է աշակերտներին հաղորդելու իմ գիտելիքներն այնպես, որի շնորհիվ կարողանամ վաստակել նրանց սերն ու հարգանքը: Չհասցրեցինք անգամ աչքներս թարթել, և ահա, արդեն մեր մանկավարժական պրակտիկան էլ դարձավ լավ և անմոռանալի հիշողություն: Կարծում եմ կրթահամալիրից ինձ հետ կտանեմ ամենաքաղցր և ամենաբարի հուշերը:
Ուսանող՝ Գոհար Պողոսյան
Պրակտիկան անցլացրելեմ 11-րդդասարանում
Ղեկավար՝ Սիլվա Հարությունյան