Արտակարգ պատահարի մասին

ՀՀ ՈՍՏԻԿԱՆՈՒԹՅԱՆ ԵՐԵՎԱՆԻ ԿԵՆՏՐՈՆԱԿԱՆԻ ԲԱԺՆԻ ՊԵՏ,
ՈՍՏԻԿԱՆՈՒԹՅԱՆ ԳՆԴԱՊԵՏ Ս. ՄԱՐՏԻՐՈՍՅԱՆԻՆ
12-02-069
29 փետրվարի  2012թ.

2012թ. փետրվարի 20-ին ՀՀ ԿԳՆ Երևանի «Մխիթար Սեբաստացի» կրթահամալիրի ավագ դպրոց-վարժարանի 10-րդ դասարանի սովորող Նարեկ Նաջարյանին Կենտրոն վարչական շրջանում ծեծել են մեզ անհայտ  անձինք, որի հետևանքով Նարեկը հայտնվել է թիվ 3-րդ մանկական հիվանդանոցի վերակենդանացման բաժնում: Նարեկը շարունակում է մնալ հիվանդանոցում: Կրթահամալիրի սովորողներն ու ուսուցիչները ցասումով արձագանքեցին Նարեկի նկատմամբ կատարված դաժանությանը: Հոգատարությամբ փորձում ենք նպաստել Նարեկի ապաքինմանը և կրթահամալիր նրա շուտափույթ վերադարձին:

Վստահ ենք, որ Դուք, Ձեր ղեկավարած բաժնի աշխատողները առավելագույն ջանքեր կգործադրեք բոլոր մեղավորներին հայտնաբերելու և ՀՀ օրենքով պատասխանատվության ենթարկելու գործում:

Խնդրում ենք գրավոր տեղեկացնել նախաքննության ընթացքի և դեպքի այլ հանգամանքների մասին: Ինչո՞վ կարող ենք օգնել նախաքննությանը:

ՀԱՐԳԱՆՔՈՎ՝

ԿՐԹԱՀԱՄԱԼԻՐԻ ՏՆՕՐԵՆ՝                    Ա. ԲԼԵՅԱՆ