Մի խումբ ընթերցասեր սեբաստացիներ «Բուկինիստ» գրախանութում`գրքերի աշխարհում դժվարանում էին կողմնորոշվել: Ի վերջո ընտրեցին ամառային ընթերցանության շարքի համար առաջին գրքերը: Հետաքրքիր այց էր, որ կշարունակվի ամառվա ընթացքում: Սովորողները հնարավորություն ունեն այս անգամ ընտրած գիրքը կարդալուց հետո փոխանակել այն մեկ ուրիշ գրքի հետ:
«Տիգրան Հայրապետյան» գրադարանը ամառային արձակուրդներին գործելու է և հասանելի է լինելու իր ընթերցողների համար: Յուրաքանչյուր ընթերցող ամռան տապի իր այլընտրանքը կարող է գտնել նաև գրադարանում:
Առաջին անգամ, երբ ես մտա «Տիգրան Հայրապետյան» գրադարան, ինձ գրավեց Շեքսպիրի «Ամռան գիշերվա երազ» գիրքը: Այն ինձ այնքան դուր եկավ, որ անընդհատ գնում էի գրադարան, որպեսզի կարդամ այն: Եվ այդպես էլ սկսվեց իմ սերը գրքերի հանդեպ և իմ մուտքը դեպի գրադարան:
