Անակլիայի ճամբարի մասնակից հայերից, ադրբեջանցիներից ու թուրքերից բացի ճամբարական վրացիները Վրաստանի տարբեր շրջաններից էին՝ Մեգրելիա, Սվանեթիա, Ախլցխա, Նինոցմինդա, Գորի, Թիանեթի, Զուգդիդի: Ճամբարի վերջին օրը բոլոր 12 ջոկատները պետք է ներկայացնեին իրենց երկրի կամ տարածաշրջանի ազգային պարն ու երգը:
Ամբողջ օրը ճամբարականները պատրաստվում էին երեկոյին: Կարում էին ազգային տարազին նման հագուստներ, սովորում պարեր ու երգեր: Լիդերները իրենք էին ասում, թե պարին ու երգին քանի մասնակից կարող է ներգրավվել: Արդյունքում Հայաստանի ջոկատը ներկայացրեց երկու երգ և մեկ պար:
Ճամբարի փակման արարողությանը ներկա էին Վրաստանի փոխվարչապետ, կրթության և գիտության նախարար Ալեքսանդրե Ջեջելավան, Վրաստանի սպորտի և երիտասարդության հարցերի նախարար Տարիել Խեչիկաշվիլին և այլ պաշտոնատար անձիք:
Նրանք շատ ոգևորված էին՝ տեսնելով ճամբարին մասնակից Երևանի՝ կրթահամալիրը ներկայացնող թիմին, ողջունեցին և բարձր գնահատեցինՀայաստանում Վրաստանի արտակարգ և լիազոր դեսպանի ներդրումն այս հարցում: