Նոյեմբերի 2-ին, ժամը 10:00-19:00 «ԿԱԶԱ» շվեյցարական մարդասիրական հիմնադրամը «Թումո» ստեղծարար տեխնոլոգիաների կենտրոնում կազմակերպել էր կրթության «անսահմանացում» ֆորում:
Ֆորումի նպատակն էր, միավորելով էլեկտրոնային ուսուցման ոլորտի կազմակերպիչներին, քննարկել տեղեկատվական տեխնոլոգիաների դերը կրթության ոլորտում՝ անդրադառնալով ներկա միտումներին, մարտահրավերներին ու հնարավորություններին:
Առավոտյան ընդհանուր սեմինարին կանադացի Ստիվեն Դաունսը ներկայացրեց «Սահմաններից դուրս. գլոբալ ուսուցման ցանցային աշխարհում» զեկուցումը: Ընդմիջումից հետո մասնակիցները բաժանվեցին 4 խմբի՝ AGBU Հայկական վիրտուալ համալսարանը, ԿՏԱԿ-ը, «ԿԱԶԱ» շվեյցարական մարդասիրական հիմնադրամը, GIZ «Մարդկային ռեսուրսների զարգացում էլեկտրոնային ոլորտում» գերմանական միջազգային համագործակցության ընկերությունը ներկայացնում էին իրենց ծրագրերը Հայաստանում:
Օրվա վերջում Դանիել Շնայդերը ներկայացրեց «Թվային դիզայն և մշակում» զեկուցումն այն մասին, թե ինչպես այն կարող է փոխել կրթությունն ու հասարակությունը:
Ֆորումի կազմակերպիչները խոստացան, որ շուտով ֆորումի ներկայացումները կհրապարակվեն կայքերում:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
