Սեմինարը սկսվեց նշանակված ժամին: Առաջին մասը վարում էր «Մխիթար Սեբաստացի» կրթահամալիրի կայքի համակարգող- խմբագիր, լրագրող Գայանե Առուստամյանը: Նա ներկայացրեց կայքի, ենթակայքերի ու բլոգների հետ կապված իր դիտարկումները: Սեմինարը նախատեսված տասնհինգ րոպեից տևեց ավելի երկար, որովհետև սեմինարի մասնակիցներն ունեին հարցեր, որոնց պատասխանեց կայքի խմբագիրը: Բացի այդ, Հիմնական դպրոցի Կրթական ծրագրի ղեկավար Սրբուհի Աղաբաբյանը հնչեցրեց առաջարկ՝ մշակել կայքում հրապարակվող նյութերին ներկայացվող պահանջների որոշակի ցանկ, ի պատասխան որի, սեմինարավարը խորհուրդ տվեց այցելել կրթահամալիրի կայք եւ ծանոթանալ mskh.am-ի աշխատակարգին: Քննարկումն ակտիվ էր, կարծիքներն ու մոտեցումները՝ տարբեր:
Սեմինարի երկրորդ մասն ընթացավ ըստ նախատեսված կարգի: Դասվարները շարունակեցին աշխատանքը երկու խմբով: Առաջին խմբում սեմինարավար Կայ Խաչատրյանը ներկայացրեց ձայնագրությունների մշակման մի շարք առանձնահատկությունների, առաջացող խնդիրների լուծման մասին իր տեսակետները:
Քանի որ սեմինարին նախատեսվածից ավելի քիչ ժամանակ հատկացվեց, ուստի գործնական աշխատելու հնարավորություն չունեցանք: Պայմանավորվեցինք աշխատել առցանց: Երկրորդ խումբն աշխատում էր «Մխիթար Սեբաստացի» կրթահամալիրի IT մասնագետ Սեն Միքայելյանի հետ: Թեման՝ «Մեդիակրթության կաբինետ. տեխնիկական սպասարկում»: Այս դեպքում նույնպես հատկացված ժամանակը քիչ էր` գործնական աշխատանքներին անցնելու համար:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
