Այսօր մասնակցեցինք վերապատրաստման դասընթացի հինգերորդ հանդիպմանը:Սեմինարը սկսեցինք ընդհանուր պարապունքով: Երգեցինք, խաղացինք «Ծաղզարդարդի » ու « Զատկի» տոնին խաղերգեր:
Հետո սկսեցինք ուսումնասիրել կրթությանը վերաբերվող իրավական փաստաղթթերը: Սեմինարը վարում էր Գայանե Թերզյանը: Քննարկեցինք, թե ինչպիսի իրավիճակներում գտնվում այսօրվա հանրակրթական դպրոցները: Բաժանվեցինք խմբերի, յուրաքանչյուր խումբ ընտրեց կրթական գործի կազմակերպման որեւէ կերպար՝ ուսուցիչ, աշակերտ, ծնող, նկարի` նշանների (սինվոլներ) միջոցով ընդգծեցինք նրանց առանձնահատկությունները կրթության կազմակերպման գործում, իրավունքներն ու պարտականությունները,անելիքները: Յուրաքանչյուր խումբ ներկայացրեց իր նկարը: Մեզ թվում էր դժվար են իրավական փաստաթղթեր կարդալն ու ուսումնասիրելը, բայց այս մեթոդներով մատչելի ու հետաքրքիր էր:
Սկսվեց մաթեմատիկայի սեմինարը Տիար Գեւորգ Հակոբյանի հետ: Տրամաբանությունը մտածելու օրենքներն են: Համոզվեցինք, որ խնդիրը չի լինում տրամաբանական: Տիար Գևորգը նշեց, որ թվերը դարձել են մարդու կենսական անհրաժեշտությունը: Շատ հետաքրքիր հարցադրում էր`մաթեմատիկային մոտենալ որպես լեզվի: Քննարկեցինք նախաթվային շրջանը, ինչպես նմանություններ եւ տարբերություններ գտնել, առարկաների խմբավորումը:
Մաթեմատիկայից հետո գնացինք ընդմիջման, որը պասային էր ու շատ համեղ:
Օրն ավարտվեց մարմնակրթությամբ:
Ինձ շատ դուր եկավ վերապատրաստող մասնագետների անմիջականությունն ու ջերմությունը:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
