Այսօր տոնական տրամադրությամբ մասնակցեցինք վերապատրաստման դասընթացի չորրորդ հանդիպմանը: Առավոտը սկսեցինք ընդհանուր պարապմունքով: Երգեցինք կրթահամալիրի հիմնը, երգեցինք և պարեցինք «Օր պար, ճոր պար»-ը, «Կարկաչա»-ն: Քանի որ մոտենում է Ծառզարդարի ծեսը, սովորեցինք բազմաթիվ պարային նոր շարժումներ ազգային ծիսական պարերից:
Ժամը 10:30-ից սկսեցինք մաթեմատիկայի սեմինարը, Տիար Գևորգ Հակոբյանի հետ: Ծանոթացանք «1 րոպե»-ի մեթոդին: Տիար Գևորգը սկսեց պարզ հարցից՝ ի՞նչ է մաթեմատիկան: Հնչեցին տարբեր պատասխաններ ` մեկն ասաց՝մտքի ճկունություն, մյուը` բոլոր գիտությունները, անհատի բացահայտում, մեր առօրյան և այլն: Փորձեցինք նկարել ( paint ծրագրով,մատիտով) մաթեմատիկոսին` մեր պատկերացմամբ: Յուրաքանչյուրը բնութագրեց իր նկարած մաթեմատիկոսին. շատ հետաքրքիր նկարներ էին ստացվել: Հաջորդ մաթեմատիկայի սեմինարի համար ստացանք առաջադրանքներ ու գնացինք սուճի ընդմիջման:
Ընդմիջումից հետո, ըստ օրակարգի, Նաիրա Նիկողոսյանի հետ սկսեցինք «կրթության բնագավառին վերաբերող նորմատիվ փաստաթղթեր» աշխատանքային պարապմունքը: Սեմինարի սկզբում , օրիորդ Նաիրան շնորհավորեց բոլորիս գարնան տոների կապակցությամբ և նվիրեց «Արտասավոր կնոջ» մասին գեղեցիկ վիրերտուլ ծաղկեփունջ, որը ինքն էր պատրաստել, նյութի ավարտին ունկնդրեցինք Լիլիթ Բլեյանի «Սպասող գնացքներ» երգը:
Սահուն անցում կատարվեց օրվա թեմային: Շաբաթվա ընթացքում մենք կարդացել էինք կրթությանը վերաբերվող մի քանի օրենքներ: Բաժանվեցինք 4 խմբի, յուրաքանչյուր խմբի տրվեց մի օրենք և փորձեցինք PowerPoint ծրագրով պատրաստել ներկայացում: Ներկայացվեց PowerPoint-ի առանձնահատկությունները:
Օրն ավարտեցինք մարմնակրությամբ, որը վարում էր Դավիթ Ֆահրադյանը: Ընդհանուր նախավարժանքից ու մարմնամարզությունից հետո, սովորեցինք ճիշտ ցատկել ցատկացանցի վրա:
Հաջորդ շաբաթ կրտսեր դպրոցներում մասնակցելու ենք դասերին, որոնց ընթացքում հատկապես առանձնացնելու ենք մաթեմատիկական գործուներությունը, իսկ երկուշաբթի ժամը 13:00 քոլեջում մասնակցելու ենք երաժշտության դասին:
Շնորհակալություն բոլոր դասավանդողներին մեր սեմինարները այսչափ հետաքրքիր և բովանդակալից կազմակերպելու համար :
Attachment | Size |
---|---|
to_a_phenomenal_woman.ppt | 3.17 MB |
prezentaciya_microsoft_office_powerpoint.pptx | 167.74 KB |