Մայրենիի սեմինարի ընթացքում ուսումնասիրեցինք Նունե Մովսիսյանի մանկավարժական բլոգը, քննարկեցինք այն որպես ուսումնական միջավայր կիրառելու նրա փորձը: Նշվեց, որ բլոգը՝ որպես վիրտուալ տարածք, որպես ուսումնական նյութերը, ծրագրերը, դասի պլանը՝ ըստ թեմաների, տնային առաջադրանքներն ու մեդիա-ստուգումների փաթեթները համակարգող գործիք, ամենահարմարն ու ամենաապահովն է:
Անդրադարձանք նաև օրագրի կիրառմանը: Առաջարկվեցին մի քանի տարբերակներ՝ ինչպես համակարգել օրագրում կատարվող նշումները, ցուցադրվեցին օրագրի տված հնարավորությունների մի քանի նմուշներ:
Շատ կարևոր էր այն դիտարկումը, որ էլ.օրագիրը ըստ էության կարելի է սերտորեն կապել բլոգի հետ և մեկը մյուսին լրացնելով ստեղծել մեդիաուսումնական մի ամբողջական տարածք: