Հայ Առաքելական Սուրբ եկեղեցում կան հոգևոր բարեպաշտական մի շարք արարողություններ` մոմավառություն, տնօրհնեք, մատաղ: Դրանցից մեկն էլ հոգեհանգստյան արարողությունն է: Անունն արդեն իսկ մեզ հուշում է. հոգիների հանգստության համար կատարվող ծիսական արարողություն: Հայ առաքելական եկեղեցում տարին հինգ անգամ, տաղավար, մեծ տոների, Ս. Ծնունդ, Ս. Զատիկ, Վարդավառ, Աստվածածնի վերափոխում և Խաչվերաց, հաջորդ օրը մեռելոց հիշատակի ոգեկոչման օր է: Մեռելոց օրերին բոլոր եկեղեցիներում Սուրբ պատարագի ավարտին տեղի է ունենում հոգեհանգստյան ընդհանուր կարգ, շատերը այդ օրերին քահանաների ուղեկցությամբ այցելում են իրենց հարազատների շիրիմներին և գերեզմանոցներում կատարում գերեզմանօրհնեքի կարգ: Մենք հիշում ենք կյանքից հեռացածներին, մեր աղոթքներում խնդրում աստծուն, որ ննջեցյալների հիշատակը հավերժ լինի, աղոթում ենք` նրանց բերելով հավիտենական կյանքի ավետիսը: Հիշելով և աղոթելով մեր հարազատների, հանգուցյալների հոգիների հանգստության համար` Բարձրյալից հայցում ենք նրա գթառատ ողորմությունը: Բացի վերոնշյալ օրերից, մենք կարող ենք հոգեհանգստյան պաշտոն կատարել նաև ննջեցյալի մահվան տարելիցին:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
