Այսօր դեկտեմբերի 15-ն է: Ժամը 10-00-ին յուրաքանչյուր սովորող իր ջոկատի հետ պատրաստ կանգնած էր սրահում: Գեղեցիկ պարով հանդես եկավ պարային խումբը` ընկեր Արշակի գլխավորությամբ: Բոլորը հրաշալի էին պարում: Ես էլ եմ որոշել հունվարից ընդգրկվել այս խմբում:
Առավորյան, երբ սովորականի նման պատուհանից դուրս նայեցի և նորից ձյուն չտեսա, տխրեցի, բայց դպրոցում տրամադրությունս բարձրացավ: Երգելուց ու պարելուց հետո մեր ջոկատի մի խումբը մասնակցեց սպորտլանդիայի, իսկ մյուսը` դասարանում ձյունիկներով ու եղևնիներով վարագույր ձևավորեց: Երեխաների մի փոքրիկ խումբ լրատվության մեջ իր ուժերը փորձեց: Նրանց այդ աշխատանքը շատ էր ոգևորել: Մենք ամանորյա հանդեսի նախապատրաստման փորձերն արեցինք ու փորձեցինք ներկայացնել մեր կարդացած <<Թափառական երաժիշտները>> հեքիաթը, նկարեցինք, իսկ Էդգարն ու իր մայրիկը լրագրից պատրաստեցին իրենց տոնածառը: Վերջում պարեցինք և ուրախ տրամադրությամբ տուն գնացինք` անհամբեր սպասելով հաջորդ օրվան:
Երկրորդ օրը առանձնացավ նախորդից. լավ պարեցինք, երգեցինք, դասարանի ձևավորման աշխատանքներն ավարտեցինք ու գնացինք լաբորատորիա, որտեղ մեզ սպասում էին մեր Արհեստագործական դպրոցի վարսավիրները: Նրանք այնքան հետաքրքիր սանրվածքներ արեցին, որ մենք թիթիզացանք: Իսկ պոդիումին մասնակցեցինք մեծ ոգևորությամբ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
