Երեկ դասընկերներով քաղաքում շրջեցինք, գնացինք Սուրբ Սարգիս եկեղեցի: Մի քիչ ուշացել էինք առավոտյան պատարագից, բայց դա չխանգարեց, որ ստանանք Սրբազանի օրհնությունը, իսկ քիչ հետո, երբ եկեղեցում արդեն խաղաղ էր, հանդիպեցինք մեր դպրոցում դասավանդող Վահե Սարկավագին: Նա մեզ պատմեց այդ օրվա խորհուրդը. Ս. Հարությանը նախորդող կիրակի օրը Հայ Առաքելական եկեղեցին նշում է Ծաղկազարդը, որը խորհրդանշում է Քրիստոսի հաղթական մուտքը Երուսաղեմ: Ծաղկազարդը հռչակվել է որպես մանուկների օրհնության օր: Մենք ուռենու ճյուղերից օրհնված պսակներ տուն տարանք, մեկն էլ դպրոց բերեցինք: Ավելացնեմ նաև, որ դպրոցում կավե ափսեների մեջ ցորեն ենք ցանել. պատրաստվում ենք Զատկի տոնին:
Մուրադյան Մարիետա 10-3դաս.
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
