Անվաչմուշկներով թութակը դարձել է կրկեսային փառատոնի աստղ
Փոքրիկ անվաչմուշկներով սահող թութակը դարձել է Պրահայում տեղի ունեցած կրկեսային արվեստի փառատոնի աստղ: Հնարքը թռչունին սովորեցրել է` իտալացի կենդանիներ վարժեցնող Անտոնի Զատուն:
Ելույթի ժամանակ, իտալացի վարժեցնողի թութակը ցուցադրել է ոչ միայն անվաչմուշկներ վարելու իր հմտությունները, նա վարել է նաև փոքրիկ խաղալիք ավտոմեքենա:
Բացի այդ, պարզվել է, որ թռչունը նաև շատ տաղանդավոր կատակերգու է: Նա նմանակել է հանգստացողի, ով բազմոցին պառկած թերթ է կարդում: Այս ելույթի համար նրան պահանջվել է իր չափսերին համապատասխանող բազմոց և փոքրիկ թերթ:
Պրահայում տեղի ունեցած կրկեսային արվեստի փառատոնը տևել 4 օր` փետրվարի 16-ից 20-ը: Փառատոնի շրջանակներում, ելույթներով ներկայացել են Ռուսաստանի, Ուկրաինայի, Չեխիայի, Բրազիլիայի, Իտալիայի և այլ երկրների ներկայացուցիչներ:
Լրաքաղը` Աննա Մանուկյանի