Հիմնական դպրոց, 9-րդ դասարան
Մաթևոսյան Անի
Այստեղ արդեն ամառ է: Մենք ապրում ենք ծովին շատ մոտ, ու ես, որն ինձ ամենից շատն է երջանկացնում, հնարավորություն ունեմ վայելելու ծովը: Ամեն երեկո գնում ենք ափ` ճանապարհելու արևի վերջին շողերը:
Այս շաբաթ մենք գնացինք Բիբլոս. այդ քաղաքը ծովի ափին է: Բիբլոսը համարվում է աշխարհի ամենահին քաղաքներից մեկը, որը` որպես նավահանգիստ-քաղաք գոյություն ունի շուրջ 6 հազար տարի: Այդ փաստը ապացուցում են փյունիկյան ժամանակաշրջանից մեզ հասած արձանագրություններն ու կանգուն կոթողները: Քաղաքը եղել է ժամանակի մշակութային զարգացած կենտրոններից մեկը: Անվանումը առաջացել է Բիբլիա`<<Գիրք>> բառից, որը բառացի թարգմանաբար նշանակում է սուրբ տեքստերի հավաքածու: Շատ հետաքրքիր է և առանձնահատուկ հմայք ունի 1500 տարուց ավել հնություն ունեցող քաղաքի հնամյա նեղլիկ փողոցներից մեկը, որում մինչև օրս էլ մարդիկ են բնակվում: Այս փողոցը բնակավայր լինելուց բացի, նաև հայտնի շուկա է: Այստեղ կարելի է գտնել ամեն ինչ` ազգային հագուստ, համեմունքներ, ծովից հավաքած խխունջներ և այլն…