Օրերս մեր ուսուցչուհիներից մեկի` Հակոբջանյան Կարինեի օգնությամբ հանդիպում ունեցանք մի ֆրանսիացու` Ռեմի Վենրոյի հետ, ով ուսանող է, իսկ մասնագիտությամբ` աշխարհագրագետ:
Նա մասնակցեց մեր ֆրանսերենի դասին, որը, ի դեպ, շատ հետաքրքիր էր: Մտերմիկ զրույցի ընթացքում պարզեցինք, որ Ռեմին Հայաստան է եկել, որպեսզի ուսումնասիրի և տեղեկանա, թե երեխաները ինչ վերաբերմունք ունեն իրենց քաղաքի նկատմամբ: Նա նախ մեզ պատմեց Ֆրանսիայի, նրա աշխարհագրական դիրքի, դպրոցների մասին: Բնականաբար խոսելու նյութ շատ կար, ժամանակն էր քիչ: Խոսեցինք մոտեցող Ամանորի, ավանդույթների, ազգային կերակուրների, տոները դիմավորելու սովորությունների մասին: Հարցրինք, թե ինչու է Ֆրանսիան համարվում պանրի, հացի ու գինու երկիր: Երբ խոսքը հասավ ամանորյա նվերներին, նա նշեց, որ կցանկանար շոկոլադ նվեր ստանալ:Մեր հյուրը ափսոսանքով նշեց, որ եղել է միայն Երևանում և չի հասցրել լինել Հայաստանի տեսարժան վայրերում: Ռեմին Հայաստան է վերադառնալու 6 ամիս հետո, և մենք պայմանավորվեցինք հանդիպել և միասին այցելել Հայաստանի տեսարժան վայրեր: Երանի՜ այսպիսի առիթներ շատ ունենանք, քանի որ այս դեպքում հնարավորություն ենք ունենում մեր սովորածը կիրառելու, հետագայում բացթողումները շտկելու համար:
Շուշան Սողոմոնյան
Սեդա Սիմոնյան
11-2 դասարան
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
