Միջին դպրոց
Միրզոյան Մարիամ, 8-4 դասարան
Ընկեր Շամիրամը խոստացել էր մեզ տանել 3D ֆիլմ դիտելու: Ասեմ` ինչու՞:
Մեր դասարանում անախորժություն էր տիրում: Երկու օր անց անախորժությանը փոխարինեց համերաշխությունը: Ընկեր Շամիրամը ուրախ էր մեր վերսկսած ընկերության համար և առաջարկեց միասին գնալ 3D ֆիլմ նայելու: Եվ այսօր 8-4 դասարանով գնացինք: Անհամբեր սպասում էինք այդ ֆիլմին: Ամեն ինչ հիանալի էր, մենք ճամփա ընկանք: Երթուղայինը մեզ հասցրեց սպասված տեղը: Մենք մի քիչ ուշացումով, բայց ուրախ ներս մտանք: Մեզ տվեցին ակնոցներ: Ներսում շատ մութ էր: Մի կերպ նստեցինք մեր տեղերը, և ֆիլմը սկսվեց: Ճիշտ է, այնքան էլ մեզ դուր չեկավ, բայց կարևորը այն էր, որ միասին էինք, և հենց դա մեզ շատ էր զվարճացնում: Եվ իհարկե, Բլեյան Արմանի ներկայությունը ավելի շունչ էր ավելացնում մեր զվարճանքին: Շատերս ապշած էինք: Ֆիլմը վախենալու էր: Վերջապես այն ավարտվեց: Դուրս եկանք, դրսում հնչում էր գեղեցիկ երաժշտություն: Եվ գիտեք էլի, մեր սովորության համաձայն, սկսեցինք պարել, իսկ ընկեր Շամիրամը, իր սովորության համաձայն, մեզ սկսեց նկարել: Այսպիսով նստեցինք երթուղայինը և վերադարձանք տուն…
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
