Նոր դպրոց
Բուսաբան-կենսաբաների խումբ
... կա՞ն խոսող միջատներ
Այսօր հայտնի է միջատների մոտ 1 մլն տարատեսակ: Դրանցից մոտ 10 հազարը կարող են տարբեր տեսակի ձայներ հանել: Այնուամենայնիվ , միջատները ձայնային ապարատ չունեն, իսկ ձայներն առաջանում են մարմնի մի հատվածը մյուսի հետ շփումից: Միայն մեռած գլուխ կամ Ադամի գլուխ կոչվող իլիկաթիթեռների ընտանիքին պատկանող խոշոր թիթեռներն են, որ «խոսելու »հատուկ օրգան ունեն. այն գտնվում է թիթեռների կոկորդում:
Այս թիթեռը, եթե տագնապային վիճակում է, ի տարբերություն մյուս միջատների, ոչ թե լռում է, այլ ծվծվում : Նրա արձակած ձայնը ձևավորվում է մարսողական ուղու մեջ օդ անցնելու հետևանքով, որից սկսում է տատանվել նուրբ խիտինային թաղանթը, որը գտնվում է թիթեռի վերին շրթունքի ներքին մակերեսին: Երբեմն այդ ձայնն այնքան բարձր է լինում, որ ճիչի է նմանվում: Այդ թիթեռն իր անսովոր արտաքինի պատճառով մարդկանց համակրանքը չի վայելում, իսկ նրա «Ճիչը»շատերը վատ նախանշան են համարում: