Հիմնական դպրոց, 6-րդ դասարան
Թաթոսյան Ժաննա
Ղեկավար` Հասմիկ Օրբելյան
Զարմացա՞ք: Աղցանը դպրոցակա՞ն: Այո՛: Հիմա պատմեմ սկզբից:
Ես փոքրիկ խոհարար եմ: Ամեն անգամ հաճույքով կապում եմ գոգնոցս, դնում գլխարկս, լվանում ձեռքերս ու անցնում գործի:
Մենք հաճախ ենք աղցան պատրաստում: Ու կարծես թե ավելի վստահ ու հմուտ ենք դարձել:
Այս անգամ էլ արագ անցանք գործի: Ես ու Սվետան կտրատեցինք կարտոֆիլը, Աննան քերեց պանիրը, Օքսանան ավելացրեց ոլոռն ու մայոնեզը, դե՛, իհարկե, չմոռացանք նաև աղն ու պղպեղը: Գործն արեցինք սիրով, ուրախ: Անընդհատ կատակում էինք, ծիծաղում:
Րոպեներ անց աղցանը պատրաստ էր: Բայց այն զարդարել էր պետք: Հիշեցինք մեր ջերմոցի մասին: Արագ վազեցինք այնտեղ, քաղեցինք պուճուրիկ համեմները և սիրունացրինք մեր աղցանը: Ու քանի որ դպրոցի կանաչին շուք տվեց մեր արածին, որոշեցինք աղցանը Դպրոցական անվանել:
Վերջում, ինչպես միշտ, համտեսեցինք: Իրար ասացինք, որ շատ համով է. չէ՞ որ մեր ձեռքերով էինք պատրաստել:
Որոշել ենք հաջորդ աղցանը մեր ջերմոցի կարմարաթուշ լոլիկներով պատրաստել:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
