2005 թվականի հոկտեմբերից Թուրքիան պաշտոնապես սկսել է իր առևտրային անդամակցությունը Եվրամիության հետ: 1950 թվականից սկսած` գյուղատնտեսությունը աննախադեպ վերելք է ապրել` նոր տեխնիկայի, բազմազան տնկիների և պարարտանյութերի օգտագործման շնորհիվ: Ներկայիս բնակչության 35.9% կազմում են գյուղացիները: Նրանք ապրում են Թուրքիայի ամենաաղքատ շրջաններում: Թուրքիայում հիմնական գյուղմթերքների արտադրանքն աճել է 2004 թվականից. ցորենը ` 21 մլն, շաքարեղեգը`13.6 մլն, թեյը` 131 հազար տոննա: Մյուս մշակաբույսերն են ոլոռը, ոսպը, եգիպտացորենը, լոլիկը, սեխը, ձիթապտուղը և խաղողը: Թուրքիան աշխարհում առաջինն է, որ արտադրում և արտահանում է նուշ: Դրանով ապրում են 2մլն թուրքեր: 2005թվականին համաշխարհային արտադրության սանդղակում Թուրքիայի արտադրանքը կազմել է 70-80%: Թուրքիայի արդյունաբերությունը նույնպես զարգացած է. տեքստիլ արդյունաբերությունը ամենաակտիվն է` մետաքս, բամբակ և բուրդ: Սև մետալուրգիան ևս Թուրքիայում շատ զարգացած է` նավթի վերամշակում, քիմիական արդյունաբերություն և պարարտանյութերի արտադրություն: Արդյունաբերության զարգացած ճյուղերից է շինարարությունը, որի արտադրանքը մեծ պահանջարկ ունի արտաքին շուկայում` Կենտրոնական Ասիա, Իրաք և Միջին Արևելք: Թուրքիայում տուրիզմը ևս զարգացած ճյուղերից է և երկրին բերում է մեծ եկամուտ: Այն առաջին հերթին գրավիչ է իր բնությամբ. զբոսաշրջիկներին գրավող հիմնական վայրերից են Էգեյան և Միջերկրական ծովերը և Կապադովկիան: Զբոսաշրջիկները հիմնականում եվրոպացիներ, ամերիկացիներ և ճապոնացիներ են:
Թարգմանիչ` Վիգեն Ավդալյան
Ղեկավար` Աննա Մարության
Աղբյուրը` http://fr.wikipedia.org/wiki/%C3%89conomie_de_la_Turquie