Պատմում է Գեղարվեստի դպրոց-պարտեզի 3 տարեկան Հայկ Ջահանգիրյանի մայրիկը
Միշտ կրակը վառում ենք մինչև արեւի մայր մտնելը:
Պատրաստում ենք փոխինձ, հալվա, աղանձ և ադիբուդի: Կրակի վրայից սկզբում թռչում են նորապսակները կամ եթե փոքր երեխա կա, նա, հետո` մյուսները: Դրանից հետո կրակի վրա ենք շաղ տալիս ադիբուդու և աղանձի հատիկներ: Նաև Ծառզարդարի տոնից պահված ուռենու ճյուղից պատրաստած պսակներն ենք այրում այդ կրակով: Հետո իմ տատիկը տանը թոնրի մեջ գաթա էր պատրաստում և անպայման փիթի էր եփում: Տատիկս ասում էր, որ երբ բոլորը կրակ են վառում, օգնում են, որ հողը շուտ տաքանա ու ձմռան ցրտից շուտ ազատվի:
Ղեկավար` Սոնա Նիկոլյան