Մայքրոսոֆթի «Նորարար դպրոց» կրթահամալիրի մասին
-
Կրթահամալիրն իրականացնում է պետական այլընտրանքային (հեղինակային) մեդիակրթության ծրագիր, որի հեղինակները դասավանդողներն են. նրանք ծրագրերը, ուսումնական նյութերը ստեղծում են ՏՀՏ միջոցների կիրառմամբ:
-
Համակարգչային ծրագրերի ուսուցումն ուսումնական պլանով նախատեսված է և սկսվում է 1-ին դասարանից, 5-10-րդ դասարանում նախատեսված է «Մեդիատեխնոլոգիաներ» առարկան:
-
Օտար լեզուների ուսուցումը 1-ին դասարանից կազմակերպվում է ՏՀՏ օգտագործմամբ:
-
Սովորողը հանրակրթական դասընթացների և իր ընտրությամբ գործունեության (խորացված ուսուցում) ժամանակ գործնականում կիրառում է ՏՀՏ:
-
2010-2011 ուստարում կրթահամալիրը «Մայքրոսոֆթ» ընկերության աջակցությամբ սկսել է իրականացնել «Տեղեկատվական տեխնոլոգիաների խորացված ուսուցման հանրակրթական դասարան» ծրագիրը: Գործում են էլեկտրոնային գրատախտակով 22 հանրակրթական 1-10-րդ դասարաններ:
-
Յունիքոմփ ընկերության հետ իրականցվում է Intel-ի «Անհատական համակարգիչ-դասընկեր» ծրագիրը:
-
«Ֆիրմա Ալֆա»-ի միջոցով կրթահամալիրը ձեռք է բերել 38 էլեկտրոնային գրատախտակ, էլեկտրոնային գրիչների 2 հավաքածու:
-
Կրթահամալիրի բոլոր դասավանդողները, սովորողների 70 %-ը տանն ունեն անհատական համակարգիչ և ինտերնետ:
-
Շատ ուսուցիչներ և սովորողներ ունեն թվային ֆոտոխցիկ, տեսախցիկ, ձայնագրիչ, որոնք գործածում են ուսումնական նպատակով:
-
Շուրջօրյա և մատչելի ինտերնետից անարգել օգտվում են կրթահամալիրի աշխատողները, սովորողները` սկսած 1-ին դասարանից, նրանց ծնողները:
-
Կրթահամալիրում ներքին և արտաքին գրագրությունը կատարվում է էլեկտրոնային եղանակով, ինտերնետի և ներքին ցանցի կիրառմամբ:
-
2-րդ դասարանից սկսած` կրթահամալիրի սովորողները, բոլոր ուսուցիչները, ծնողները ունեն հրապարակված էլեկտրոնային հասցեներ: Մայքրոսոֆթի Live@Edu համակարգը օգտագործվում է ուսումնական նպատակով:
-
Կրթահամալիրի էլեկտրոնային կայքը, ենթակայքերը ստեղծվում, փոփոխվում և սպասարկվում են ուսուցիչների և սովորողների կողմից, գործածվում են որպես ուսումնական միջավայր:
-
5-րդ դասարանից սկսած բոլոր սովորողները լրացնում են ամսական հաշվետվություն (էլեկտրոնային) և էլփոստով ուղարկում են ծրագրի ղեկավարին և տնօրենին:
-
Հեռավար ուսուցումը նախատեսված է և կիրառվում է որպես`
-
բաց թողած ուսումնական պարապմունքները լրացնելու միջոց,
-
սովորողի անհատական աշխատանքը կազմակերպելու միջոց,
-
սովորողի ուսումնական նախասիրությունները և օժտվածությունը զարգացնելու միջոց,
-
ստացիոնար ուսուցումը արդյունավետ ու անընդհատ դարձնելու միջոց:
-
Ամեն ուրբաթ` 15.00, կրթահամալիրում կազմակերպվում է սովորողների և դասավանդողների ստեղծած էլեկտրոնային ուսումնական նյութերի և ֆիլմերի ներկայացում:
-
Բոլոր դասավանդողներն ընդգրված են ՏՀՏ, մեդիա և դիզայներական հմտությունների անընդհատ զարգացման համակարգում (մշտապես գործող սեմինարներ):
-
Մայքրոսոֆթի «Գործընկերներ ուսուցման ոլորտում» ծրագրի, Կրթական տեխնոլոգիաների ազգային կենտրոնի, «Ֆիրմա Ալֆայի» հետ կրթահամալիրն իրականացնում է հանրապետության հանրակրթական դպրոցների տնօրենների, ՏՀՏ մասնագետների և ուսուցիչների վերապատրաստումներ:
-
Առաջիկայում կրթահամալիրի բոլոր սովորողները կունենան ինտերնետին միացված անհատական համակարգիչ (ուսումնական նոթբուք, նեթբուք):
