Ռուսերենից թարգմանեց Ա. Թովմասյանը
Ղեկավար`Ժ.Հակոբյան
Ռուսական «Ցենտրալ Փարթներշիփ» կինոընկերությունը նախաձեռնել է մեծ ռեժիսոր Սերգեյ Փարաջանովի մասին կենսագրական խաղարկային ֆիլմի նկարահանումները: Այդ նախագծի ֆինանսավորման հիմնական բեռն ընկած է ռուսական պետության վրա: Բյուջետային միջոցները հատկացվել են կինեմատոգրաֆիայի աջակցման ֆոնդի կողմից: Ֆիլմի ֆինանսավորման մեջ իրենց ներդրումը կունենան նաւև ԱՊՀ երկրների հումանիտար համագործակցության Միջպետական ֆոնդը և Հայաստանի մշակույթի նախարարությունը: Չբավականացնող դրամական միջոցները կինոընկերության գլխավոր տնօրեն Ռուբեն Դիշդիշյանը հայթայթեց մասնավոր դոնորների և ներդրողների շնորհիվ: Կինոնկարի բյուջեն արդեն ձևավորված է և կազմում է երեք միլիոն եվրո:
Ֆիլմի ռեժիսորը «Ցենտրալ Փարթներշիփ»-ի սեփականատիրոջ կինն է` Աննա Մելիքյանը, ում նկարած <<Ջրահարսը>> ֆիլմը 2007-ին Ռուսաստանի կողմից առաջադրվել էր «Օսկարի»: Սցենարը գրել է Իրակլի Կվիրիկիձեն: Նա անձամբ ծանոթ է եղել Փարաջանովի հետ: Իսկ գլխավոր հերոսի դերում կլինի մոսկվացի հիանալի դերասան Սերգեյ Ղազարովը:
Նկարահանումները կշարունակվեն ամբողջ 2011թ. ընթացքում: Ֆիլմի հեղինակները պատրաստվում են նկարահանումներ անել Թբիլիսիում, Երևանում, Մոսկվայում, Կիևում, Փարիզում և Ռոտերդամում:
Աղբյուր`”Կինոարվեստ” ամսագիրը
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
