Տոներից հետո առաջին օրն էր, որ հանդիպեցինք : Երեխաների հետ շփվելով ` ես ուրախ եմ ու զարմացած:
Հիշում եմ, երբ ես էի գնում դպրոց , անհամբեր սպասում էինք արձակուրդին, իսկ երբ այն ավարտվում էր, մեր մայրիկները ձեռքներիցս քաշելով մի կերպ դպրոց էին տանում:
Երեխաները հաշվել էին օրերը և նույնիսկ օրացույցի մեջ ամեն առավոտ ջնջել թվերը: Էրիկը երազել էր, որ այս օրը գա: Նրանք իրենց երազում ամեն օր դպրոց են գնացել:
Կարծում եմ, սա մեր կրթահամալիրի ամենամեծ ձեռքբերումն է:
Այսօր խոսեցինք, թե ով ինչպես է դիմավորել Նոր տարին: Գոռը դիամվորել էր տատիկի գյուղում, որտեղ Ձմեռ պապը իր նվերը դրել էր աստիճաններին:
Էրիկը ռեստորանում մինչև առավոտ քեֆ է արել: Մյուսները տանը` մայրիկի, հայրիկի հետ: Ինչ խնդրել էին նամակի մեջ` Ձմեռ պապը բերել էր : Միայն Սառայի և Յանայի նվերն է ուշացնում: Նրանց էլ հաստատ կբերի: Չէ որ նոր տարին դեռ նոր է սկսվել: