Թովմասյան Արաքս, 8.5 դաս.
Բարևում եմ Ծաղկաձորից, որովհետև ես հիմա այնտեղ եմ: Իմ ամանորյա հրաշքը իրականացավ. վերջապես ձյուն եկավ: Ամանորյա իմ հեքիաթը ձյունն է, քանի որ իմ պատկերացմամբ, հենց սպիտակ, մաքուր և թարմ ձյունն է գեղեցկացնում Ամանորը: Ամանորի գիշերը այնքան շատ ձյուն եկավ, որ երբ ես հյուրանոցից ոտքս դուրս հանեցի, իսկույն խրվեցի ձյան մեջ:
Ձյունը զարդարում է և փայլ տալիս մերկացած ծառերին: Քաղաքը ամբողջովին սպիտակում է,
չէ ՞որ սպիտակը մաքրություն է խորհրդանշում: Ու ոչ միայն մաքրում է, այլ նաև լուսավորում է: Ձյունը երջանկություն է բերում բոլոր երեխաներին: Շուրջբոլորը երեխաներ են խաղում, բոլորը ուրախ են, ամբողջ քաղաքը աշխույժ շարժման մեջ է:
Ձյունը այնքան սպիտա~կ ու փայլփլուն է, փափո~ւկ ու փխրո~ւն , որ ծակծկում է իմ աչքերը: Շուրջս միայն սպիտակ է և ինձ թվում է, որ ես սպիտակ երկնքում եմ: Օդը մաքուր է: Եղանակը պայծառ է և արևոտ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
