Այսօր` օգոստոսի 29-ին, <<Մխիթար Սեբաստացի>> կրթահամալիրում ուսումնական նախապատրաստության օր էր: Բոլորը գեղեցիկ և տոնական էին: Երեխաները իրենց պայծառ ու կարոտած ժպիտներով ծաղկեցնում էին մեր կրթահամալիրը: Աշխույժ կերպով անցկացրինք մեր ընդհանուր պարապմունքը, երգ ու պարով դիմավորեցինք նորեկներին: Հետո բոլոր սովորողները գնացին դասարաններ: Գեղեցիկ զրույց ունեցանք մեր ուսուցչի հետ, կատակեցինք, պատմեցինք մեր ամառային արձակուրդների մասին, նաև ուսումնական առաջարկներ արեցինք հետագա դասերի վերաբերյալ: Բոլորը ոգևորված էին, անհամբեր սպասում ենք մեր հաջորդ հանդիպմանը:
Մի խոսքով` հրաշալի տրամադրությամբ ու լիարժեք անցկացրինք մեր օրը: