2011-2012 ուստարում կրթահամալիրում ոչ միայն խրախուսվելու է, այլև ապահովվելու է նեթբուք-նոթբուքերի գործածումը տանը և դպրոցում, որպես արդյունավետ ուսուցման և ստեղծագործական ինքնազարգացման հարմար միջոցներ:
Սա կարվի 2 եղանակով, 1-12-րդ դասարանում սովորողները իրենց ազատ ընտրությամբ կձևավորեն «Նոթբուքն ինձ դասընկեր» ծրագրի դասարաններ: Այդ ծրագրի մասին մանրամասն նայենք mskh.am –ի «Նոթբուքն ինձ դասընկեր» ենթակայքում: Մյուս եղանակը սովորողների խմբի կողմից նոթբուք-նեթբուքի ազատ գործածումն է դասարաններում, ուսումնական բոլոր պարապմուքների ժամանակ: Ինչպես գիտեք, մեր երաշխավորում ենք դրանց անվտանգությունը, պահպանությունը դպրոցում:
Ձեզ առաջարկում ենք ընտրել նոթբուք կամ նեթբուք (պարամետրերը և գները տեսեք կցված ֆայլում)։ Դրանք տրամադրելու և դրանց երաշխիքային սպասարկումը 24 ամիս իրականացնելու է «Յունիքոմփ» ֆիրման։ Ծրագրի գործընկեր «Արդշինինվեստ» բանկը մոտ օրերս կտրամադրի ապառիկ վաճառքի պայմանները և գները:
Ա. 1-9-րդ դասարանցիների համար առաջարկում ենք Intel ֆիրմայի նեթբուքերը: Երկու նեթբուքերից մեկը մյուսից տարբերվում է իր պտտվող էկրանով և գրիչով: Սա ես համարում եմ էական առավելություն և խորհուրդ եմ տալիս, եթե գնային տարբերությունն անհաղթահարելի չէ, ընտրել պտտվող էկրանովը:
Բ. 9-12-րդ դասարանցիների համար առաջարկում ենք HP ֆիրմայի նոթբուքը:
Մենք ՀՀ կրթության և գիտության նախարարության աջակցությամբ աշխատում ենք Orange ֆիրմայի և «Յունիքոմփ» ֆիրմայի հետ որակյալ, հուսալի անլար ինտերնետ ունենալու համար:
Այսօր մենք իմացանք, որ HP ֆիրման մեզ անվճար տրամադրել է հզոր սերվեր: Շարունակում ենք մեդիագրադարանի ստեղծման աշխատանքները:
Որպեսզի «Յունիքոմփ»-ը կարողանա Intel-ին և HP-ին ներկայացնել կրթահամալիրին անհրաժեշտ նոթբուք-նեթբուքերի քանակը, ապահովի դրանց տեղափոխումը Երևան, խնդրում եմ այսօրվա դրությամբ կատարել անհատական որոշում և էլեկտրոնային եղանակով տեղեկացնել Ձեր դպրոցի գրասենյակ։
Հարգանքով` կրթահամալիրի տնօրեն Աշոտ Բլեյան
Կրթահամալիրի դպրոցների էլեկտրոնային հասցեները.
Նոր դպրոց-պարտեզ - [email protected]
Դպրոց -պարտեզ - [email protected]
Գեղարվեստի դպրոց-պարտեզ - [email protected]
Հիմնական դպրոց - [email protected]
Միջին դպրոց - [email protected]
Ավագ դպրոց-վարժարան - [email protected]
Գեղարվեստի ավագ դպրոց - [email protected]
Արհեստագործական ավագ դպրոց - [email protected]
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
