Հուլիսի 28-ին Քաղաքացիական հասարակության ինստիտուտի երևանյան գրասենյակում տեղի ունեցավ «Գլոբալ Գիվինգ» կազմակերպության կազմակերպած սեմինարը: Սեմինարի նշանաբանն էր` Ընդլայնիր հասանելիությունդ, թեման`Օնլայն ֆոնդռեյզինգ ( առցանց դրամահավաք ): Սեմինարին մասնակցեց նաև «Կրթասեր» հասարակական կազմակերպությունիցԱրտեմ Ալեքյանը:
«Գլոբալ Գիվինգ» կազմակերպությունը կարծես մի հարթակ-տարածք լինի որտեղ հնարավորություն են ունենում հանդիպելու դոնորները (հիմնականում անհատներ) և դրամի կարիք ունեցող կազմակերպությունները`իրենց ծրագրերով:
Որպեսզի կարողանաս ամբողջությամբ օգտվել հարթակի ընձեռած հնարավորություններից, գումարային բոնուս-մրցանակներից և դրամահավաքության այլ գործիքներից անհրաժեշտ է գրանցվելուց հետո 1 ամսում իրենց որոշակի աջակցությամբ կարողանաս 50 տարբեր դոնորներից հավաքել 4000 Ամն դոլլարի չափ գումար: Կարելի է ասել, օգնում են նրանց` ովքեր իրենք իրենց են օգնում:
Սեմինարի ընթացքում տրվեցին բազմաթիվ օգտակար խորհուրդներ`արդյունավետ օնլայն դրամահավաք կազմակերպելու ուղղությամբ: Այս ամենը կարող է հատկապես օգտակար լինել հոկտեմբերին կրթահամալիրի նախաձեռնած դրամահավաք-մարաթոնի հաջող անցկացմանը:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
