Մանկավարժական ճամբար-ֆլեշմոբ

Հրավիրում ենք մանկավարժական եռօրյա ճամբար՝

• Վաղաշենի արշավախմբային-բնապահպանական ճամբարում՝ օգոստոսի 16-18
• Արատեսի դպրական կենտրոնում՝ օգոստոսի 17-19
• Վայոց ձորի մարզի Արտավան գյուղում՝ օգոստոսի 17-19։

Ճամբարի մասնակիցները կրթահամալիրի, Գեղարքունիքի մարզի Սևան համայնքի «Գագարին» կլաստերի, Վայոց ձորի մարզի փոքրաքանակ դպրոցների մանկավարժական աշխատողներ են, հրավիրյալներ։ Ճամբարը բաց է հանրապետության այլ դպրոցների, կրթական ՀԿ-ների, կրթության ոլորտը համակարգող պետական, մարզային, համայնքային կառույցների աշխատողների համար, ում հետաքրքիր է ուսուցման ճամբարային կազմակերպումը։ Մասնակիցներն իրենց ընտրությամբ կարող են լինել մեկից ավելի ճամբարում՝ անցնելով Վաղաշենից Արատես, Արատեսից Արտավան։

Մասնակցության համար անհրաժեշտ է լրացնել հայտը։

Ճամբարի բովանդակությունը

• ճամբարը՝ որպես ուսումնական յուրահատուկ միջավայր.
• հայրենագիտություն.
• հեղինակային մանկավարժության աջակցությունը գյուղական դպրոցին։

Մասնակիցներին ներկայացվող պահանջներ՝

• մանկավարժությամբ, մանկավարժական խնդրով գործուն հետաքրքրվածություն.
• մանկավարժական-հետազոտական աշխատանքի փորձ.
• հայրենագիտական արշավի (քայլքի, վերելքի-վայրէջքի) պատրաստակամություն։