Մարության Աննա
Հունիսի 27-ից հուլիսի 1-ը մասնակցել եմ ֆրանսերեն լեզվի դասավանդողների 9-րդ ամենամյա սեմինարին: Սեմինարի կազմակերպիչներն էին ֆրանսերեն դասավանդողների հայկական ասոցացիան և Ֆրանսիական համալսարանը: Սեմինարի նպատական էր օժանդակել ֆրանսերեն լեզվի դասավանդման բարելավմանը`նոր դասագրքերի և մեթոդների միջոցով: Բացման արարողությանը ողջույնի խոսքով հանդես եկան Հայաստանում Ֆրանսիայի դեսպան`Սերժ Սմեսովը, Հայաստանում ֆրանսիական համալսարանի ռեկտոր` Ժոել լ Մորզելեկը, Ալիանս Ֆրանսեզի տնօրեն`Սյուզան Ղարամյանը, որոնք նշեցին, որ հայ-ֆրանսիական բարեկամության առաջին ճանապարհը հենց ֆրանսերեն լեզուն է: Սեմինարին մասնակցում էին 160 դասավանդողներ`ուսուցիչներ, դասախոսներ, ֆրանսերենի դասավանդման հետ կապ ունեցող մարդիկ: Սեմինարն անց է կացվել ֆրանսերեն լեզվով`ֆրանսիայում վերապատրաստված հայ մասնագետների կողմից, հրավիրվել էր նաև ռումինացի մասնագետ, որը ներկայացնում էր իր մեթոդաբանական ձեռնարկը: Հաջորդ 3 օրերի ընթացքում մասնակիցները բաժանվեցին 8 խմբերի և յուրաքանչյուր խումբ ուներ առանձին քննարկման թեմա: 8-րդ խմբի (որի մասնակիցն էի նաև ես) թեմաներն էին. բանավոր խոսքի զարգացումը`տարբեր հենակների օժանդակությամբ և ֆրանսերենի ուսումնական կայքերը: Ծանոթանալով տեսական նյութերին, ինքներս կատարել ենք բազմաթիվ վարժություններ, ինտերնետային կայքում ստեղծել ենք ուսումնական նյութեր:Վերապատրաստումն անցնելուց հետո ստացել եմ վկայական:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
