Քանդակագործության, ճարտարապետության, շրջակա միջավայրի միջազգային ամենամյա փառատոնին ընդառաջ` փորձելու եմ ներկայացնել Երվանդ Քոչար արվեստագետին:
Երվանդ Քոչարը բացառիկ արվեստագետ է, նրա արվեստն ինձ համար, գուցե թե, ամենաինքնատիպն է ու ամենահետաքրքիրը: Եթե Քոչար արվեստագետին բնորոշելու լինեմ, ասելու եմ՝ երևույթ: Նրա արվեստը հեղափոխական է, շփոթեցնելու աստիճան համարձակ ու մինչև վերջ նորարարական: Սա այն արվեստագետն էր, ով արվեստների մայրաքաղաքին՝ քմահաճ ու տեսած Փարիզին, ստիպեց խոսել իր մասին, գնահատել իր արվեստը, զարմանալ ու հիանալ իր արածով…
120 տարի առաջ, հունիսի 15-ին ծնվել է XX- րդ դարի մոդեռն արվեստում տարածական նկարչության (Peinture dans lespace) հիմնադիր Երվանդ Քոչարը: