«Ամառ» մեդիաօլիմպիադայի անցկացման կարգ
Նախագիծ
- «Ամառ» մեդիաօլիմպիադայի առաջադրանք կարող է կազմել ցանկացած մարդ, ում կազմած առաջադրանքը կբավարարի առաջադրանքին ներկայացված պահանջներին:
- 10-12-րդ դասարանցիները իրենց խորացված ուսուցման առարկաներից առաջադրանքներ են կազմում կրտսերների համար:
- Խորացված ուսուցման ղեկավարները առաջադրանքներ են կազմում նախասիրություններ դրսևորված սովորողների համար:
- Առաջադրանքները կատարում են հանրակրթական դպրոցների սովորողները:
- Պատասխանողը պետք է նշի իր անունը, ազգանունը, դպրոցը, դասարանը: Պատասխանը պետք է ուղարկել առաջադրանքում նշված հասցեով կամ հրապարակել համացանցում (mskh.am-ում, սոցիալական ցանցերում)` հրապարակած պատասխանի հասցեն տեղադրելով տվյալ առաջադրանքի comment-ներում: Էլ. փոստով ուղարկված պատասխանները հրապարակվում են օլիմպիադայի կազմակերպիչների կամ առաջադրանքի հեղինակի կողմից:
- Սովորողը կազմած առաջադրանքների համար գնահատվում է ըստ արձագանքների:
- Առաջադրանքների պատասխանները գնահատվում-ընտրվում են մրցանակային հանձնաժողովի կողմից: Դրա կազմում խորացված ուսուցման սովորողներ են, որոնք աշխատում են համապատասխան բնագավառի խորհրդատու մասնագետի հետ:
- Հանձնաժողովի պարբերական քննարկումների արդյունքները հրապարակվում են կայքում, մրցանակակիր աշխատանքների դիտումը, պարգևատրումը` հինգշաբթի օրերին, ժամը 20.00, Մեդիակենտրոնում: Խրախուսական մրցանակը լողավազանի աբոնեմենտ է կամ մեկօրյա ճամփորդություն Սևան: Ամենաշատ խրախուսական մրցանակներ ստացած սովորողները ստանում են նաև գլխավոր մրցանակ:
- Օլիմպիադայի վերջնական արդյունքները ամփոփվում են մինչև սեպտեմբերի 10-ը:
- Օլիմպիադայի գլխավոր մրցանակը ճամբարի ուղեգիր է:
