Այսօր ճամբարի առաջին օրն էր: Ուսումնական ամառը առջևում է, իսկ կրթահամալիրի սովորողները բաժանվել էին խմբերի և պատշաճ կերպով պատրաստվում էին ամառային դպրոցի աշխատանքներին: Մենք`Ավագ դպրոցի սովորողներս, չառանձնացանք մեր աշխուժությամբ և ակտիվությամբ, բայց ճամբարային տրամադրությունը փոխանցվեց ավագ դպրոցին, կփորձենք աչքի ընկնել մյուս օրերին: 11-2 դասարանի մի խումբ սովորողներ Միստր Յուրայի հետ քննարկում էին մյուս տարվա ուսումնական պլանը, իսկ քննարկման վերջում ավագ դպրոցի կայքում տեղադրեցին իրենց եզրահանգումը: Գերմաներենի և ֆրանսերենի խորացված ուսուցման դասարանի սովորողները գրադարանում թարգմանություններ էին կատարում, իսկ մի խումբ սովորողներ, որոնք տարվա ընթացքում ինչ-որ առարկաներից չեն առաջադիմել, բնագիտության լաբորատորիաներում շտկողական պարապմունքներ էին անում: Հայոց լեզվի և գրականության ուսուցիչներ Ելենա Սարգսյանը և Հասմիկ Ղազարյանը իրենց խմբերի հետ Ճամբարային ուրախ տրամադրությամբ աշխատում էին Ավագ դպրոցի միջանցքում, նրանց հարևանությամբ էլ պարոն Տիգրանյանը իրավագետ-քաղաքագետների խորացված ուսուցման սովորողների հետ նախապատրաստվում էր ինտելեկտուալների ակումբային մրցույթին: Այսօր ակտիվ էին Գեղարվեստի ավագ դպրոցի սովորողները. պատրաստվում էին հունիսմեկյան ֆլեշ մոբի: Դե, մարմարյա սրահն էլ լցված էր միջին դպրոցի մի խումբ սովորողների երգ ու պարով: Ճամբարային հետաքրքիր օրերն առջևում են:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
