Այսօր մեր շատ սիրելի ամառային ճամբարի առաջին օրն էր: Ընդհանուր պարապմունքի ժամանակ հայտարարեցին, որ մեր դասարանը պետք է օրը սկսի եկեղեցի գնալով: Արագ-արագ գնացինք եկեղեցի, մասնակցեցինք ժամերգության, մոմ վառեցինք: Այնտեղից գնացինք Մեդիա կենտրոն, մուլտֆիլմ նայեցինք: Քիչ հետո մեզ միացան նաև փոքրիկները: Այնքան էինք մուլտիկով տարվել, որ չնկատեցինք էլ` ինչպես սկսեցինք աթոռներից իջնել, իսկ վերջում էլ արդեն պառկել էինք հատակին ու այդպես էինք նայում: Հա, այնքան մուլտֆիլմից խոսեցինք` մոռացանք գրել, որ մինչ այդ ընկեր Մերիի հետ երգեցինք ֆլեշ-մոբի երգերը:
Դպրոց մտնելուն պես` ես ու Նինան գնացինք սպորտդահլիճ, իսկ մյուսները միացան մարմարյա սրահում պարողներին: Մի քիչ մեծերի վոլեյբոլի խաղը նայեցինք: Չհամբերեցինք ու ավագ դպրոցի սովորողների հետ սկսեցինք վոլեյբոլ խաղալ: Տարվելով խաղով` կրկին անգամ մոռացանք հաց ուտել: Հիշեցինք թե չէ, վազելով իջանք ու նստելով մեր դպրոցի ծառերի տակ` դասարանցիներով խաչապուրի կերանք: Հետո ես ու Նինան էլի վազեցինք սպորտդահլիճ, իսկ մերոնք գնացին երաժշտության սրահ, որտեղ նրանց սպասում էր ընկեր Սուսանը:
Իսկ հիմա էլ, օգտվելով, որ տրանսպորտը ուշ է գալու, ես` Լիլիթս, ու իմ անբաժան ընկերուհին` Նինան, մեր դասարանում նստած կայքի համար նյութ ենք գրում: Տեսնենք` վաղը ինչեր ենք անելու:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
