Արդեն հինգ տարի է, որ սովորում եմ կրթահամալիրում: Կրթահամալիրի ամենակարևոր մասը մեր Տիգրան Հայրապետյան գրադարանն է: Հինգ տարի շարունակ ես օգտվում եմ գրադարանի գրքերից և ՏՀՏ միջոցներից: Այս հինգ տարիների ընթացքում մեր գրադարանը շատ է փոխվել: Փոփոխությունները գովելի են, քանի որ հիմա մեր կրթահամալիրն ունի մեդիահրատարակչություն, նորացված էլեկտրոնային հասցե և արդեն Մեդիակենտրոնում` էլեկտրոնային գրադարան:
Երբ ցանկանում եմ այլ ուսումնական հաստատություններում սովորող ընկերներիս պատմել մեր կրթահամալիրի մասին, միանգամից հիշում եմ մեր գրադարանը և մի քիչ էլ պարծենում եմ, որ իրենք հաստատ չունեն մեր գրադարանի նման հայտնի ու հյուրընկալ միջավայր: Ճիշտ է, մեր գրադարանը լավն է, հայտնի է ու հյուրընկալ, բայց այդ լավ կողմերի կողքին կանգնած է նաև վատը` մեր գրադարանի կահույքը հին է: Կցանկանայի, որ կահույքը գոնե նորոգվեր, որպեսզի կատարյալ տեսք ունենար:
Շնորհակալությունս եմ հայտնում գրադարանի անձնակազմին, այդ թվում` իմ ընկերների, այսպիսի աշխատանք կատարելու համար: Իմացեք, որ մեր ինֆորմացիայի աղբյուը գրադարանն է :
Ղարիբյան Սիրանուշ, 11-2 դասարան
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
