Ավագյան Տիգրան, 8-1 դաս. "The Eagles" ջոկատ
Մենք այսօր՝ առավոտյան պարապունքից հետո, մեր ջոկատով, ընկեր Սիլվայի հետ ճամփա ընկանք դեպի Թումանյան այգի: Եղանակը բարենպաստ էր: Մենք՝ ես և Անատոլին (Տոտոն), գնացինք այգի մեր հեծանիվներով, իսկ մյուս տղաները դպրոցից գնդակ էին բերել իրենց հետ: Հենց հասանք Թումո, նախ փորձեցինք շենքի դիմացի շատրվանների միջով վազելով անցնել՝ առանց թրջվելու: Կարելի է ասել մեզ հաջողվեց, սակայն Տոտոն մի լավ թրջվեց: Հետո սկսեցինք հերթով վարել մեր հեծանիվները: Մենք արդեն որոշել էինք ֆուտբոլ խաղալ և անմիջապես բաժանվեցինք խմբերի և սկսեցինք: Ամեն ինչ հրաշալի էր մինչև…
Հետո, իհարկե, մեծ տխրությամբ մեր խմբից մի քանիսին ճանապարհեցինք դպրոց և գնացինք մեր երեկվա տեղը: Հենց այստեղ էլ սկսեցինք մեր հեծանվային մրցույթը: Ամեն ինչ շատ ոգևորիչ էր: Հանկարծ մեր խմբի տղաներից մեկը սայթաքեց և ընկավ հեծանիվից, ճիշտ է նրան բան չէր պատահել, բայց հեծանիվը կարիք ուներ նորոգվելու: Երկար ջանք թափելուց հետո՝ ես և ընկերներս նորոգեցինք այն: Երբ արդեն քաղցած էինք, նախաճաշեցինք՝ հարմար տեղավորվելով Տոտոյի բերած ծածկոցի վրա: Հետո անգլերենով խաղացինք ինտերակտիվ խաղ, թարգմանեցինք մեր պատմվածքից մի փոքրիկ հատված, որից հետո շարժվեցինք դեպի դպրոց: “Eagles” ջոկատն այսօր ունեցավ շատ հետաքրքիր և լիարժեք օր: