ՀՐԱՄԱՆ
11.05.2016թ.
Հիմք ընդունելով ՀՀ ԿԳ նախարարի «2015-2016 ուստարվա սովորողների գիտելիքների ստուգման, ավարտական, պետական ավարտական քննությունների կազմակերպման, անցկացման աշխատակարգը և ժամանակացույցը հաստատելու մասին» 2016թ մայիսի 6-ի թիվ 412-Ա/2 հրամանը, կրթահամալիրի 2015-2016 ուսումնական տարվա ուսպլանները` 2015-2016 ուստարվա 4-րդ, 9-րդ և 12-րդ դասարաններում սովորողների գիտելիքների ստուգման, ավարտական և պետական ավարտական քննությունների կազմակերպման նպատակով.
- կրթահամալիրի հանրակրթական հաստատություններում ստեղծել քննական կենտրոններ և նշանակել ղեկավարներ.
- Ավագ դպրոցում. ղեկավար՝ Գևորգ Հակոբյան, օգնական՝ Լիլիթ Գասպարյան.
- Դպրոց-պարտեզում. ղեկավար՝ Անահիտ Հարությունյան, օգնական՝ Անուշ Հովհաննիսյան.
- Նոր դպրոցում. ղեկավար՝ Լուսինե Ալեքսանյան, օգնական՝ Արմինե Տեր-Արսենյան.
- դպրոցների ղեկավարներին.
- կազմակերպել 2015-2016 ուստարվա 2-րդ կիսամյակի և ուստարվա արդյունքների ամփոփումը.
- քննական կենտրոնների ղեկավարներին ներկայացնել քննության թույլատրվածների ցուցակները.
- առարկայական խորհրդատվությունների ժամանակացույցը.
- Մարթա Ասատրյանին, Նառա Նիկողոսյանին, Տաթև Բլեյանին՝ կահավորել քննական կենտրոնները՝ ըստ մասնակիցների քանակի.
- քննական կենտրոնների ղեկավարներին՝ ղեկավարվելով 2016թ. մայիսի 6-ի թիվ 412-Ա/2 և 2012թ. մայիսի 3-ի թիվ 388-Ն հրամաններով, ընդունել ի գիտություն ՀՀ ԿԳՆ հաստատած՝ գիտելիքների ստուգման, ավարտական և պետական ավարտական քննությունների ժամանակացույցը, մինչև մայիսի 20-ը հաստատման ներկայացնել.
- 9-րդ և 12-րդ դասարաններում ֆիզկուլտուրայի քննության օրերը (հավելված 1).
- քննական հանձնաժողովների կազմերը (հավելված 2).
- ապահովել mskh.am-ի «Քննական կենտրոն» էջում օպերատիվ հրամանում հիշատակված հիմքերի, աշխատանքներին վերաբերող տեղեկությունների, արդյունքների հրապարակումը.
- քննական թեստերը ստանալու և քննական կենտրոններ հասցնելու պատասխանատու համարել Յուրա Գանջալյանին.
- Մարիետ Սիմոնյանին՝ համակարգել 4-րդ դասարանում գիտելիքների ստուգման միասնական կարգի և մայրենի լեզվի, մաթեմատիկայի առաջադրանքների մշակումը.
- Լիլիթ Գասպարյանին՝ ավարտական և պետական ավարտական յուրաքանչյուր քննության ավարտից հետո ԳԹԿ-ի կայքում մուտքագրել քննությունների արդյունքները՝ դպրոցների անհատական էջերում՝ «Ավարտական քննություններ» բաժնի «Գնահատականներ» ենթաբաժնում (Էջի մուտքի անունը և ծածկագիրը տրամադրվում է միայն պատասխանատուին).
- Նոր դպրոցի և Գեղարվեստի դպրոցի 4-րդ դասարանցիների գիտելիքների ստուգումը կազմակերպել Նոր դպրոցի քննական կենտրոնում, Դպրոց-պարտեզի և Հիմնական դպրոցի 4-րդ դասարանցիներինը՝ Դպրոց-պարտեզում.
- հիշեցնում եմ դպրոցների ղեկավարներին, որ փոխադրական, ավարտական և պետական ավարտական քննություններին մասնակցելու իրավունք ստանում են այն սովորողները, ովքեր 2015-2016 ուստարվա ուսումնառության պայմանագրով նախատեսված ուսումնական առաջադիմության և ուսումնական ծառայությունների համար վճարման պարտքեր չունեն կիսամյակների և ուստարվա արդյունքներով. դպրոցների գրասենյակների ղեկավարներին՝ անհատապես զգուշացնել շրջանավարտի (4-րդ, 9-րդ և 12-րդ դասարանցիներ) ծնողին (օրինական ներկայացուցչին), որ ուսումնառության պայմանագրերով նախատեսված վճարներն ամբողջությամբ պետք է կատարել մինչև 2016թ. մայիսի 20-ը.
- գրասենյակների ղեկավարներին՝ հրամանին 24 ժամվա ընթացքում անհատապես ծանոթացնել յուրաքանչյուր 4-րդ, 9-րդ և 12-րդ դասարանցու և նրա ծնողին (օրինական ներկայացուցչին):
Կրթահամալիրի տնօրեն` Ա. Բլեյան