ՀՐԱՄԱՆ N 16-218
12.02.2016թ.
Թբիլիսիի թիվ 98 դպրոցի սովորողների, ուսուցիչների և ծնողների 51 հոգիանոց խումբը (ցուցակը կցվում է) «Հայ-վրացական հանրակրթական կամուրջներ» 2016թ. ծրագրով նախատեսված «Վրացերենի օրեր կրթահամալիրում» նախագծով ապրիլի 14-17-ը Երևանում հյուրընկալվելու է կրթահամալիրում: Ընդունելությունը պատշաճ կազմակերպելու նպատակով.
- ընդունելության պատասխանատու ճանաչել Լուսինե Բուշին, Հերմինե Անտոնյանին, ընդունող դպրոց՝ ավագ դպրոց (Մարթա Ասատրյան, Ռինա Շագինյան և սովորողներ).
- ընդունել ի գիտություն Լուսինե Բուշի կազմած ընդունելության ծրագիրը (հավելված 1).
- հյուրերի գիշերակացը կազմակերպել կրթահամալիրի Դպրոց-պարտեզի (պատասխանատու` Տաթև Բլեյան), Հիմնական դպրոցի (պատասխանատու` Շամիրամ Պողոսյան) և Գեղարվեստի դպրոցի (պատասխանատու` Քնարիկ Ներսիսյան) կրթական փոխանակումների կացարաններում
- սնունդը` նախաճաշ և ընթրիք, յուրաքանչյուրին 300-ական դրամի չափով կազմակերպել՝ կացարանների խոհանոցում, ճաշ` 500-ական դրամի չափով՝ ըստ ծրագրի.
- հրամանին անհատապես ծանոթացնել ընդունելության բոլոր պատասխանատուներին։
Կրթահամալիրի տնօրեն` Ա. Բլեյան