Այսօր Էքսպո ցուցահանդեսի վերջին օրն էր, բնականաբար` փակումը: Սովորույթի համաձայն` եկել էին շատ հյուրեր: Ես ու Անին, շրջելով տաղավարներում, վերցնում էինք հարցազրույցներ: Մեր կարծիքով, բոլոր ուսումնական հաստատությունների մեջ ամենալավը մեր կրթահամալիրն էր, քանի որ շատ քչերն էին, որ ասում էին` իրենց դպրոցում կան էլեկտրոնային գրատախտակներ, էլեկտրոնային գրիչներ, նոթբուք-նեթբուքներ և այլն: Երևանի բժշկական համալսարանն էլ, ունենալով մի էլեկտրոնային գրատախտակ, չէր կարողանում օգտագործել այն: Մեզ չկորցրեցինք և վստահ գնացինք նրանց տաղավար` օգնելու նրանց:
Այսօր ևս չդիմանալով մեր ավանդական «Վեր-վերի», «Ծաղկաձորի», «Քոչարի» և մյուս պարերի գայթակղությանը` մի լավ պարեցինք: Կողքի տաղավարների ներկայացուցիչները ևս միանում էին մեզ:
Ճիշտ է, նրանք այդքան էլ լավ չէին պարում, բայց մենք մեծ հաճույքով սովորեցնում էինք նրանց: Այնքան էինք հարցազրույցներ վերցրել, որ ծանրությունից քայլել անգամ չէինք կարողանում:
Խոստանում ենք, որ այսօր կայքը լի կլինի Էքսպոյի մասին մեր նյութերով:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
