Խաղ-Լիմերիք
Այսօր մենք մի խաղ խաղացինք: Խաղի կանոնները այսպիսին էին.
մենք խմբերի էինք բաժանվում` ամեն խմբում 4 կամ 5 հոգի: Հետո ընկեր Նառան թղթեր էր բաժանում, որոնց վրա երեք խառը բառեր էին գրված, օրինակ՝ փայլել, փուչիկ, ուրախ: Մենք պետք է այդ բառերը այնպես դասավորեինք, որ մի նախադասություն ստանայինք: Կարող էինք նաև բառը խոնարհել: Ես այսպիսի նախադասություն կազմեցի. «Ուրախ փուչիկը փայլեց»:
Հետո ընկեր Նառան բոլոր խմբերին մի թուղթ տվեց, և մենք այդ թղթի վրա մեր կազմած նախադասությունները դասավորեցինք այնպես, որ քառյակ կամ հնգյակ ստացվեր, սակայն այնպիսի քառյակ կամ հնգյակ, որն անիրական է, այսինքն՝ լիմերիք: Հաղթում էր այն խումբը, որի լիմերիքը հետաքրքիր էր ստացվում: Մեր խումբը հաղթեց:
Մեր լիմերիքն այսպիսին էր.
Կարմիր փոսը ծիծաղեց,
Ուրախ փուչիկը փայլեց,
Մատանին երկնքում վազեց,
Բրդոտ գնդակը ծիծաղեց,
Խաղողը ջղայնությունից կարմրեց: