Սույն թվականի նոյեմբերի 12-ին «Մխիթար Սեբաստացի» կրթահամալիրի խաղարկային դատարանում տեղի ունեցավ Վ. Թոքմաջյանի հայցն ընդդեմ «Մխիթար Սեբաստացի» կրթահամալիրի տնօրեն Ա. Բլեյանի՝ 29.06.2015թ-ի ծանուցումը ոչ իրավաչափ ճանաչելու մասին դատավարության 2-րդ նիստը:
Դատավարության նիստին ներկա էին հայցվոր կողմ Վահրամ Թոքմաջյանը, պատասխանող կողմ՝ Աշոտ Բլեյանի ներկայացուցիչ Գևորգ Հակոբյանն ու նախորդ դատավարության ընթացքում վերջինիս՝ վկա ներգրավելու միջնորդության հիման վրա կրթահամալիրի դասավանդողները`
Գործով վկա ճանաչված անձինք պատշաճ կերպով ծանուցվել և ներկա էին գտնվում դատական նիստին: Դատարանը, օրենքով սահմանված կարգով լսեց վկաներին, որոնց հարցեր հղելու իրենց իրավունքից օգտվեցին հայցվոր կողմը, պատասխանող կողմը, ինչպես նաև դատարանը: Ընթացավ բավականին արդյունավետ և հետաքրքիր դատաքննություն:
2-րդ դատական նիստի ավարտին կողմերը հանդես եկան հաշտության համաձայնագրի տեքստը համատեղ մշակելու միջնորդությամբ: Դատարանը, ղեկավարվելով ՀՀ Քաղաքացիական դատավարության օրենսգրքի 33-րդ հոդվածով, այն է՝ Կողմերի հաշտության համաձայնությունը (ՀՀ Քաղ. Դատ. օրենսգիրք. Հոդված 33).
Որոշեց.
Դատական նիստը համարել ավարտված, և հաջորդ դատական նիստի օր նշանակել 19.11.2015թ. ժամը 15:30-ին (Ավագ դպրոց-վարժարանի ընթերցասրահ):
Դատավոր՝ Վ. Գաբրիելյան